Një 80-vjeçar ka humbur jetën pasi ka rënë aksidentalisht në pusin e shtëpisë. Policia bën me dije se ngjarja ka ndodhur në orën 17:00 në Nartë të Vlorës, ndërsa viktima është shtetasi me inicialet K.K.
“Sot, rreth orës 17:00, në fshatin Nartë, Vlorë, dyshohet se është rrëzuar aksidentalisht në një pus, në oborrin e banesës së tij, shtetasi K. K., rreth 80 vjeç, i cili si pasojë ka ndërruar jetë. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes”, njofton policia./Opinion.al
