Policia ka dhënë detajet e para të plagosjes së ndodhur në qytetin e Vlorës. Dyshohet se një 46-vjeçar është qëlluar në kokë me një mjet të fortë pranë Gjykatës së Apelit. Ngjarja ka ndodhur si pasojë e një konflikti të çastit, ndërsa raportohet se personi është jashtë rrezikut për jetën. Ndërkohë, burimet thonë për mediat se në vendngjarje janë dëgjuar të shtëna dhe gjithashtu është gjetur një gëzhojë. Policia ka shoqëruar disa persona.
NJOFTIMI NGA POLICIA
Vlorë/Informacion paraprak
Rreth orës 17:20, në afërsi të Gjykatës së Apelit, Vlorë, si pasojë e një konflikti të çastit është dëmtuar në kokë, dyshohet me një send të fortë , shtetasi K. M., 46 vjeç, banues në Vlorë, i cili është dërguar për ndihmë mjeksore, jashtë rrezikut për jetën. Shërbimet e Policise kane shkuar menjeherë në vendngjarje. Është ngritur grupi hetimor i cili vijion veprimet në vendin e ngjarjes me qëllim zbardhjen e rrethanave të ngjarjes, identifikimin dhe kapjen e autorit.
Në ambientet e Komisariatit të Policisë Vlorë janë shoqëruar disa persona për tu marrë në pyetje në lidhje me ngjarjen.
