Shtëpia e një biznesmeni është përfshirë nga flakët mbrëmjen e sotme në Vlorë. Ngjarja ka ndodhur në zonën e “Skelës”, në lagjen “Pavarësia”. Në banesën e përfshirë nga flakët nuk kishte njerëz.
Ndërkohë disa dëshmi hedhin dyshime se banesës i është vënë flaka pas një vjedhjeje të mundshme për të fshirë gjurmët.
“Kemi parë dy njerëz të ngarkuar, dukeshin si hajdutë”, kanë thënë banorët për “News24”. Policia dhe zjarrfikësja kanë shkuar në vendin e ngjarjes. Paraprakisht dyshohet se zjarri ka qenë i qëllimshëm.
