Një ngjarje e rëndë ka ndodhur në Vlorë, gjatë mbrëmjes së djeshme. Një konflikt mes fqinjëve ka përfunduar në mënyrë tragjike. Mystehak Selimi, 54 vjeç ka goditur me thikë shtetasin me iniciale I.K., 57 vjeç pas një sherri për motive të dobëta. Ai nuk mundi të mbijetonte dhe ndërroi jetë në spital. Ngjarja ka ndodhur në fshatin Plloç, ndërsa autori është arrestuar në banesën e tij.
Njoftimi i policisë Vlorë:
Rreth orës 20:30 minuta, në fshatin Ploç ka ndodhur një konflikt mes dy shtetasve fqinj me njëri-tjetrin. Policia është afruar menjëherë në vendin e ngjarjes dhe ka konstatuar se pas një konflikti me motive të dobëta, dyshohet se shtetasi Mystehak Selimaj, 54 vjeç, ka goditur me mjet prerës “thikë” shtetasin I.K, 57 vjeç, i cili është dërguar në spitalin rajonal në gjendje të rëndë shëndetësore dhe ka ndërruar jetë më vonë në këto ambiente.
Policia ka bërë kapjen në banesë dhe arrestimin në flagrancë të shtetasit Mystehak Selimi, si autor i dyshuar në lidhje me ngjarjen. Vijojnë hetimet proceduriale për zbardhjen e plotë të ngjarjes.
