Krimi ekonomik në Vlorë ka sekuestruar karburantin “H Oil” i cili është në pronësi të Habilajve në Vlorë.
Fax News raporton se i është vendosur shiriti i sekuestrimit. Karburanti është në pronësi të vëllait të madh te Habiljave, Artan Habilaj.
Artan Habilaj, vëllai i Moisi Habilajt që u arrestua në Itali pas dosjes hetimore të Prokurorisë së Katanias, është arratisur nga Shqipëria.
Gjatë një aksioni të zhvilluar nga policia në Vlorë vitin e kaluar në Babicë të Vlorës, u gjet edhe sasia prej 12 ton drogë.
Mësohet se në objektivin e policisë ka qenë edhe ndalimi i Artan Habilajt, por ky i fundit ka arritur t’i shpëtojë efektivëve duke u larguar nga vendi.
