Një aksident rrugor është regjistruar ditën e sotme në Vlorë, ku një 11 vjeçar i cili po lëvizte me biçikletë është përplasur nga një automjet.
Bëhet me dije se shtetasi me iniciale A.S. 53-vjeç drejtuesi i automjetit ka tentuar të largohet nga vendi i ngjarjes, por është kapur nga policia.
Ngjarja ka ndodhur rreth orës 13:45 në afërsi të të vendit të quajtur “Shtëpia e Oficerëve”.
Drejtuesi i mjetit është shoqëruar në ambientet e Komisariatit të Policisë Vlorë, për veprime të mëtejshme procedurale.
Në vendngjarje ndodhet grupi hetimor, i cili po kryen veprimet e mëtejshme për sqarimin e rrethanave të aksidentit.
