Pas kontrolleve intensive në qarkun Vlorë, me qëllim garantimin e rendit dhe sigurisë publike, u arrestohuan 4 shtetas që posedonin lëndë narkotike me qëllim shitjen, kryesisht në zona turistike.
Si rezultat i këtyre kontrolleve, arrestimet e këtyre shtetasve u kryen pasi posedonin në banesat e tyre, në Vlorë, Qeparo dhe Sarandë, lëndë narkotike të llojit cannabis sativa, të dyshuara me qëllim shitjen në zona turistike.
Konkretisht u vunë në pranga shtetasit: A. Y., 44 vjeç, banues në Fier, N. A., 30 vjeç, banues në Qeparo, K. S., 31 vjeçe, banuese në fshatin Berdenesh, Sarandë dhe E. B., 42 vjeç, banues në lagjen nr. 4, Sarandë.
“Policia e Vlorës do të vijojë kontrollet në të gjithë territorin e qarkut, me fokus zonat turistike, për të garantuar rendin dhe sigurinë e qytetarëve dhe vizitorëve”, thuhet në njoftimin e policisë.
Materialet procedurale u referuan në Prokuroritë përkatëse, për veprime të mëtejshme, për veprën penale “Prodhimi dhe shitja e narkotikëve”.
