Një 34-vjeçar ka goditur me thikë një person në qytetin e Vlorës. Ngjarja ka ndodhur rreth orës 12:55, në lagjen “28 Nëntori”.
Policia bën me dije se është vënë në pranga autori i dyshuar i ngjarjes ndërsa i lënduari E. M., 47 vjeç është transportuar menjëherë në spital për ndihmë të specializuar mjekësore.
“Goditi me mjet prerës (thikë), një shtetas, falë reagimit të menjëhershëm, shërbimet e Policisë kapin autorin e dyshuar. Rreth orës 12:55, në lagjen “28 Nëntori”, dyshohet se gjatë një konflikti për motive të dobëta, shtetasi A. T., 34 vjeç, ka goditur me mjet prerës (thikë), shtetasin E. M., 47 vjeç.
Shërbimet e Policisë kanë kapur autorin e dyshuar të ngjarjes, shtetasin A. T., dhe e kanë shoqëruar atë në ambientet e Komisariatit të Policisë Vlorë. Shtetasi E. M. ndodhet në spital, në kujdesin e mjekëve. Vijon puna e grupit hetimor, për sqarimin e plotë të rrethanave të ngjarjes”, thuhet në njoftimin zyrtar të policisë./Opinion.al
