Një automjet tip “fuoristradë”, pa targa, është djegur plotësisht në Vlorë.
Sipas policisë, në orët e para të mëngjesit të sotëm është konstatuar duke u djegur automjeti në vendin e quajtur “Kanali i Motorrit”.
“Më datë 14.04.2022, rreth orës 01:15, në vendin e quajtur “Kanali i Motorrit”, është konstatuar duke u djegur një automjet tip “fuoristradë”, pa targa, i cili është djegur plotësisht.
Grupi hetimor ndodhet në vendngjarje dhe po punon për identifikimin e pronësisë dhe zbardhjen e rrethanave të djegies së automjetit”-njofton policia./Opinion.al
