Një shumë parash është sekuestruar në portin e Vlorës këtë të martë. Autoritetet bëjnë me dije se si rezultat i kontrolleve janë gjetur 17.000 euro në një autobus që vinte nga Italia, falë dhe bashkëpunimit edhe me Guardia di Finanza.
Në pranga është vendosur shoferi i autobusit, në valixhen e të cilit u gjet edhe shuma e parave.
“Shërbimet e Policisë Kufitare në port Vlorë në hyrje të RSH-së, kanë kaluar në vijën e dytë, për kontroll më të imtësishëm, autobusin me drejtues shtetasin R. M.
Gjatë kontrollit të ushtruar në këtë automjet, në valixhen me sendet personale të drejtuesit, shërbimet e Policisë gjetën 17 000 euro, të padeklaruara nga shtetasi R. M., konform ligjeve në fuqi.
Në përfundim të veprimeve procedurale për këtë rast, strukturat hetimore të DVP Vlorë referuan materialet në Prokurori ku nisi procedimi në gjendje të lirë për shtetasin R. M., 34 vjeç, banues në Fier, për veprën penale “Mosdeklarimi në kufi i të hollave dhe i sendeve me vlerë’”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
