Policia e Vlorës njoftoi se një makinë është djegur pjesërisht pas mesnate, rreth orës 01:40.
“Shërbimet e Policisë kanë shkuar në vendngjarje ku kanë konstatuar të parkuar dhe pjesërisht të djegur në pjesën e përparme (tek goma) mjetin tip ”Benz”, në pronësi të shtetasit M.F., 24 vjeç. Nga verifikimet paraprake dyshohet se tentativa e zjarrëvënies së mjetit të jetë e qëllimshme. Grupi hetimor po punon për zbardhjen e plotë të rrethanave të ngjarjes dhe identifikimin e kapjen e autorit”, thuhet në njoftim.
Rastet e djegieve të makinave në qytetin e Vlorës janë të shumta dhe të pazbuluara nga policia.
