Një skaf turistik ka pësuar një defekt në motor pasditen e kësaj të shtune duke mbetur në det të hapur.
Ngjarja ka ndodhur në Shën Vasil dhe pas njoftimit të kapitenit të mjetit, në ndihmë është nisur shërbimi i Stacionit të Policisë Kufitare Triport, që kanë shoqëruar mjetin me 4 persona në bord.
“Sot dt 28.01.2023, ora 14.00, është kërkuar ndihmë te Salla Operative e DVKM Vlorë nga shtetasi Xh.K. kapiten i mjetit turistik Skaf me emrin “ERTION”, i cili kishte pësuar difekt në motorr.
Menjeherë në drejtim të tij shkoi në ndihmë shërbimi i SML me mjetin lundrues BP 05 të Stacionit të Policisë Kufitare Triport, të cilët i konstatuan në vendin e quajtur Shën Vasil. Nga efektivat e SML u bë e mundur dhënia e ndihmës dhe shoqërimi i mjetit së bashku me katër persona në bord, në Stacionin e Policisë Kufitare Triport. Personat janë në gjendje të mirë shëndetësore”, thuhet në njoftimin zyrtar./Opinion.al
