Një 24-vjeçar është arrestuar nga policia në lagjen “Uji i Ftohtë” në Vlorë pasi qarkullonte me armë zjarri me vete.
Bëhet me dije se në automjetin më të cilin udhëtonte i riu ndodheshin dhe persona me rrezikshmëri të lartë.
Për shkak të rrezikshmërisë së personit të kapur, operacionalet kanë qënë të maskuar ndërsa ndërhyrja në mënyrë të befasishme ka bërë që të rinjtë të neutralizoheshin menjëherë.
Gjatë kontrollit fizik , shërbimet e Policisë i gjetën 24-vjeçarit një armë zjarri pistoletë, me 1 krehër me 5 fishekë.
Materialet procedurale iu dërguan Prokurorisë pranë Gjykatës së Shkallës së Parë të Rrethit Gjyqësor Vlorë, për veprën penale ”Armëmbajtja pa leje”.
