Një 51-vjecar ka rënë në prangat e policisë, pas një operacioni, që u finalizua me sekuestrimin e armëve dhe lëndëve narkotike. Shtetasi Gjergji Petani, banues në lagjen “15 Tetori” Vlorë i mbante të fshehura në magazinën e banesës.
Njoftimi i plote
Operacioni nga Drejtoria Vendore e Policisë Vlorë, në bashkëpunim me Delta Forcë e FNSH-së Fier.
Sekuestrohen armë zjarri, municion luftarak, tritol, kapsolla e grantë ofensive, si dhe një sasi lënde narkotike.
Arrestohet në flagrancë poseduesi i tyre
Në zbatim të Planit Operacional për kapjen e presonave me rrezikshmëri të lartë shoqërore, të atyre që ushtrojnë veprimtari kriminale në fushën e narkotikëve, të armëmbajtjes pa leje, apo lëndëve shpërthyese, si dhe bazuar në informacionet e marra në rrugë operative, Seksioni për Hetimin e Narkotikëve në bashkëpunim me shërbimet policore të D.V.P. Vlorë, me mbështetjen e Delta Forcë dhe FNSH-së Fier kanë zhvilluar dhe finalizuar operacionin e koduar “Tregëtari”.
Në kuadër të operacionit u ushtrua kontroll në disa ambiente të dyshimta ku gjatë kontrollit të ushtruar në banesën e shtetasit Gjergji Petani, në lagjen “15 Tetori”, Vlorë, konkretisht në magazinën në katin e parë të banesës, Policia gjeti dhe sekuestroi në cilësinë e provës materiale:
-
Një pistoletë e llojit “Zastava” me një krehër me fishekë, si dhe 161 fishekë të tjerë
-
4 kallëpe tritol, si dhe pesë ndezësa detonatore për tritol
-
Një granatë ofensive si dhe 47 fishekë 7.62 mm, mod 56, (të montuara bashkë në formën e eksplozivit)
-
Si dhe rreth 2 kilogramë lëndë narkotike Cannabis Sativa.
