Një aksident është regjistruar sot në rrugën “Ali Demi”, në qytetin e Vlorës.
Sipas njoftimit të policisë bëhet me dije se drejtuesi i një automjeti, I identifikuar si një 42 vjeçar me iniciale A. I., ka aksidentuar dy fëmijë rreth moshës 14-vjeç me iniciale B. C., dhe Xh. S.
Sipas burimeve të ABCNews bëhet me dije se të aksidentuarat me janë dy nxënëse. Menjëherë pas aksidentit, 42-vjeçari i ka dërguar në spital ku edhe janë nën kujdesin e mjekëve. Sakaq policia bën me dije se drejtuesi i mjetit është shoqëruar në Komisariatin e Policisë Vlorë.
“Në orën 12:14, në rrugën “Ali Demi”, Vlorë një automjet, me drejtues shtetasin A. I., 42 vjeç, ka aksidentuar dy fëmijë të mitur me iniciale B. C., dhe Xh. S., të cilët ndodhen në spitalin e Vlorës, nën kujdesin e mjekëve.
Drejtuesi i mjetit është shoqëruar në Komisariatin e Policisë Vlorë.
Në vendngjarje ndodhet grupi hetimor dhe po punon për zbardhjen e plotë të ngjarjes.”- njofton policia./Opinion.al
