Një 17-vjeçar ka plagosur me thikë një person me probleme të shëndetit mendor në qytetin e Vlorës.
Uniformat blu njoftojnë se ngjarja ndodhi rreth orës 19:30, në një restorant në lagjen “Pavarësia”, në vendin e quajtur “Aleksandria”.
Sipas policisë, mbeti i plagosur një 38-vjeçar, i cili vuan nga probleme të shëndetit mendor dhe është jashtë rrezikut për jetën.
“Sot, rreth orës 19:30, në lagjen “Pavarësia”, në vendin e quajtur “Aleksandria”, në një restorant, dyshohet se shtetasi i mitur I. H., 17 vjeç, gjatë një konflikti të çastit për motive të dobëta, ka goditur me mjet prerës (thikë) shtetasin R. V., 38 vjeç, banues në Vlorë (me probleme të shëndetit mendor), i cili aktualisht ndodhet në spitalin e Vlorës, jashtë rrezikut për jetën”, njofton policia.
Shërbimet e Policisë kanë bërë të mundur kapjen dhe shoqërimin e autorit të dyshuar në Komisariatin e Policisë Vlorë për veprime të mëtejshme procedurale.
