Një 32-vjeçar ka ndërruar jetë në Vlorë, pasi dyshohet se ka konsumuar fotoksinë. Policia bën me dije se i riu me inicialet F.L ka mbërritur fillimisht për ndihmë në spitalin e Vlorës, ku është vendosur të dërgohet drejt Tiranës për mjekim të specializuar. Fatkeqësisht, ai ka ndërruar jetë gjatë transportimit për në Tiranë.
“Sot, në spitalin e Vlorës ka shkuar për ndihmë mjekësore shtetasi F. L., 32 vjeç, pasi dyshohet se ka konsumuar fotoksinë, i cili si pasojë, gjatë transportimit për mjekim të specializuar në spitalin e Tiranës, ka ndërruar jetë.
Grupi hetimor po kryen veprimet e mëtejshme në lidhje me sqarimin e rrethanave të rastit”-njofton policia.
