Dy të rinj janë arrestuar në Vlorë, pasi morën peng një person, me pretendimin se u kishte para borxh.
Policia bën me dije se Në pranga ka rënë 20-vjeçari me iniciale S. K. dhe 23-vjeçari A. M., të dy banues në Vlorë. Në bashkëpunim me njëri-tjetrin ata morën peng një 27-vjeçar dhe e mbajtën për rreth gjysmë ore në shtëpi, ku e dhunuan fizikisht.
Ata pretendonin se personi në fjalë i kishte marrë një sasi lekësh njërit prej autorëve dhe nuk ia kishte kthyer. Dy të rinjtë tashmëakuzohen për dy veprat penale, “Heqja e paligjshme e lirisë” dhe “Shtrëngimi me anë të kanosjes ose dhunës për dhënien e pasurisë”.
Materialet i kaluan Prokurorisë së Rrethit Gjyqësor Vlorë, për veprime të mëtejshme./Opinion.al
