Një aksident ka ndodhur mesditën e sotme në Vlorë, ku si pasojë ka mbetur e plagosur një 23-vjeçare.
Uniformat blu bëjnë me dije se aksidenti ka ndodhur në lagjen “Isa Boletini” në Vlorë ku shtetasja H.M. 23 vjeç ka humbur kontrollin e makinës e si pasojë është përplasur me 6 automjete të parkuara.
Mësohet se e reja aktualisht ndodhet në spital duke marrë ndihmën e nevojshme mjekësore.
“Rreth orës 12:55, në lagjen “Isa Boletini”, Vlorë, shtetasja H. M., 23 vjeçe, duke drejtuar automjetin tip “Volkswagen”, dyshohet se ka humbur kontrollin mbi drejtimin e tij dhe si pasojë është përplasur me 6 automjete të parkuara, ku janë shkaktuar dëme materiale.
Shtetasja H. M, aktualisht ndodhet në spital, jashtë rrezikut për jetën”, njofton policia.
Grupi hetimor po punon për përcaktimin e shkakut të aksidentit.
