Ndërkohë që në gjithë vendin mbahen zgjedhjet për parlamentin e ri, në Vlorë përveç zgjedhjeve mbahet edhe etapa e tretë e “Giro d’Italia.
Gazetarja e Klan News, Greta Haskaj tregon detaje nga kjo garë. Nga starti në qendër të qytetit, çiklistët pjesëmarrës do të përshkojnë itinerarin drejt Kotës për të arritur në Qeparo.
Gara 160 kilometër e gjatë do të kalojë në bregdet nga Himara, për t’u ngjitur me pas në qafën e Llogarasë, nga ku do të arrijë në Orikum dhe do të përfundojë në qytetin e Vlorës.
Gara konsiderohet e vështirësisë së lart për shkak të relievit. Etapa e tretë në Vlorë përmbyll edhe prezencën historike të “Giro d’Italia”, me 18 etapat e tjera të garës që do të vijojnë në Itali.
