Në media gjatë ditës së dielë është raportuar trafik i dendur në zonën e Vlorës e cila sikurse dihet është nyje lidhëse për pushuesit që zgjedhin plazhet e jugut gjatë fundjavës.
Por ngarkesës së shkaktuar nga fluksi I dendur I makinave, I shtohet edhe bllokimi I aksit Rradhimë-Shkolla e Marinës, që sikurse bëhet me dije nga Policia Rrugore e Vlorës ka ardhur për për arsye të zhvillimit të një aktiviteti, sot prej orës 19:00 deri më 23:00. Në njoftimin e policisë ndonëse nuk bëhet me dije lloji i aktiviteti dhe organizuesi i tij, thuhet se:
Aksi rrugor Rradhimë-Shkolla e Marinës do të funksionojë vetëm me një kahë drejtimi për lëvizjen e mjeteve.
I përdorshëm do të jetë kahu i djathtë i rrugës Rradhimë-Vlorë, kurse kahu tjetër i këtij aksi do të përdoret për parkime.
Drejtuesit e mjeteve që do të qarkullojnë nga Vlora drejtim Rradhimës, luten të përdorin aksin rrugor të Lungomares.
Policia Rrugore kërkon mirëkuptimin dhe bashkëpunim e çdo drejtuesi mjeti për zbatimin e këtij sensi rrugor të përcaktuar për mbrëmjen e sotme, në mënyrë që të shmanget trafiku rrugor i rënduar ose bllokuar. / Opinion.al
