Harta gjeografike e të prekurve nga COVID këtë mëngjes ka shënuar ndryshime. Sipas të dhënave të publikuara nga Ministria e Shëndetësisë, pas Tiranës, qyteti me numrin e dytë të të infektuarve ka qenë Vlora. Aty janë shënuar 11 persona të prekur nga COVID, 1 më pak se Tirana.
Sipas informacioneve të shpërndara në media thuhet se të gjithë këta persona të prekur janë infektuar në një fasoneri, ndërkohë që edhe Ministria e Shëndetësisë ka theksuar se ditet e fundit po vihet re shtim i rasteve në aktivitete biznesi, ndërmarrje me shumë punëtorë, institucione publike dhe private.
Rritje të rasteve të reja kanë shënuar edhe Kukësi e Divjaka me nga 5 persona të infektuar në 24 orët e fundit.
Shpërndarja gjeografike e rasteve është si vijon: 12 të prekur në Tiranë, 11 në Vlorë, 7 në Durrës, nga 5 raste në Kukës dhe Divjakë, nga 3 raste në Pukë, Korçë, Kurbin, 2 në Krujë dhe nga 1 rast përkatësisht në Shkodër, Fier, Lezhë, Has, Mirditë, Kamëz, Sarandë, Fushë-Arrëz, Selenicë, Belsh.
Në vendin tonë aktualisht janë 931 persona aktivë me COVID19, kryesisht në Tiranë, Shkodër, Durrës./Opinion.al
