Pas kërcënimit të trajnerit Agim Canaj, klubi i Vllaznisë, doli me deklaratë për shtyp lidhur me ngjarjen.
Në deklaratën e shkurtër, botuar në faqen zyrtare online, klubi informoi se është njohur nga stafi teknik për veprime antisportive në skuadër.
“Po e shqyrtojmë ngjarjen me përgjegjësinë e duhur, shkruhet në deklaratë, “në interesin më të lartë të klubit dhe të tifozëve, do të informoheni kur të ketë vendimmarrje”.
Vllaznia bën me dijë se trajneri Agim Canaj dhe ndihmësit e tij do të vazhdojnë detyrën normalisht.
Edhe në të kaluarën, trajnerë të Vllaznisë kanë pasur probleme të tilla, madje edhe janë kërcënuar dhe tentuar për t’u goditur./Opinion.al
