Vllaznia do të ketë një trajner të ri dhe është pikërisht kampioni Ernest Gjoka që pas suksesit me skuadrën e Kukësit ka zyrtarizuar marrëveshjen me Vllazninë, pas largimit të Cungut nga skuadra shkodrane.
Gjoka njihet si një trajner ambicioz dhe i suksesshëm veçanërisht në vitet e fundit, ku spikati me drejtimin e Flamurtarit që e çoi deri në fitoren e kupës dhe kulmoi me drejtimin e Kukësit duke e shpallur kampion.
Entuziaste duket për këtë bashkëpunim të Gjokës edhe bashkëshortja e tij Edit Lako, e cila nuk i kursen vlerësimet për trajnerin kampion:
“Sfidat janë për njerëzit e fortë dhe këmbëngulës. Urime Nestit në këtë rrugëtim të vështirë, të bukur, në një qytet me kulturë e sportdashës. Go, go Mister!”, shkruan Lako.
