Si çdo vit edhe këtë herë Presidenti rus, Vladimir Putin do të mbajë konferencën më të madhe me pjesëmarrjen e 1600 gazetarëve, ku do tu përgjigjet shumë prej pyetje të drejtuara nga ata.
Putin pritet të mbajë konferencën e tij vjetore sot, me gazetarë rusë dhe ata të jashtëm, në një prej paraqitjeve më të mëdha publike, para se shteti të shkojë në zgjedhjet presidenciale të mars të vitit të ardhshëm.
Putin do të paraqitet para 1,600 gazetarëve, në një organizim tanimë tradicional për të. Kjo është konferenca e tij e 13-të, prej kur është bërë president në vitin 2000.
Në këtë organizim Putin përgjigjet në pyetje për çështje të ndryshme, duke nisur nga ekonomia deri tek marrëdhëniet ndërkombëtare. Në konferencën e vitit të kaluar, Putin është përgjigjur në 50 pyetje dhe ngjarja ka zgjatur tri orë e 53 minuta.
Ai ka konfirmuar gjatë muajit të kaluar se do të kërkojë votën për mandatin e katërt në zgjedhjet e ardhshme.
Putin, 65 vjeçar ka në krye të qeverisë Rusë që nga 1999 si kryeministër dhe më pas president. Sipas analistëve ai ka shanse të mëdha për të fituar sërish.
