Reshjet e dendura të shiut po zhvendosen drejt jugut. Gjithashtu është paralajmëruar dalja e lumit të Vjosës nga shtrati. Prefektja e qarkut i ka bërë thirrje të gjithë banorëve që të marrin masa pasi nëse vijon të rritet niveli i lumit do të nisë evakuimi. Edhe së Selenicë rrezikohen të përmbyten tokat bujqsore.
Ndërsa më herët, kreu i Emergjencave Civile, Shemsi Premçi bëri të ditur se është njoftuar dhe pala greke, lidhur me vërshimet e Vjosës. “Po testojmë prurjet e Vjosës nga ana jonë, në Gjirokastër dhe Tepelenë dhe është vlerësuar situata. Për këtë janë njoftuar prefektët e të gjithë rajonit”, tha Premçi. Vetëm për jugun ministria e Mbrojtjes ka angazhuar 300 forca.
Premçi theksoi se i është kushtuar mjaft rëndësi paralajmërimit të njerëzve për evakuimin. Kjo pasi, sipas kreut të Emergjencave, në rastet e mëparshme banorët nuk i janë përgjigjur thirrjes për evakuim, dhe kanë vështirësuar operacionet e emergjencave civile.
