Presidentja e Kosovës Vjosa Osmani ka uruar 17-vjetorin e Pavarësisë së Kosovës. Osmani falënderoi të gjithë ata që dhanë jetën e sakrifikuan për një Kosovë të lirë.
“Për të gjithë qytetarët e Kosovës tonë të dashur sot është një ditë që ne kujtojmë sakrificën shekullore. Të cilën e ka bërë populli ynë në mënyrë që ta gëzojmë këtë ditë. Është një ditë ku i festojmë sukseset, të cilat i ka arritur Republika jonë në këto 17 vite duke forcuar sovranitetin duke forcuar shtetësinë e subjektivitet ndërkombëtar, duke forcuar sundimin e ligjit, demokracinë dhe ekonominë. Po ashtu është një ditë kur ne u themi faleminderit nga zemra, një falenderim të përhershëm për të gjithë atë që dhanë gjithçka në mënyrë që ne sot të gjithë sëbashku të festojmë sot këtë ditë të shenjtë dhe historike”, është shprehur Vjosa Osmani.
Kosova u shpall shtet i pavarur me 17 shkurt të vitit 2008.
