Presidentja e Kosovës, Vjosa Osmani ka shkarkuar nga detyra ditën e sotme kryetaren e Komisionit Qendror të Zgjedhjeve, Valdete Daka.
Më herët Osmani i ka kërkuar Dakës që të jap dorëheqjen nga pozita e aktualisht mban.
Por, sipas mediave kosovare Daka e ka refuzuar dorëheqjen.
“Presidentja Osmani, në këmbim të dorëheqjes, kryetares së KQZ-së, Daka, i ofroi mirënjohje publikisht për punën e saj. Kryetarja e KQZ-së e refuzoi duke i thënë se e ka kryer detyrën në përputhje me Kushtetutën e Republikës së Kosovës”, ka thënë burimi për REL-in.
Nga ana tjetër bëhet me dije se kryetarja Daka nuk ka bërë asnjë reagim lidhur me këtë çështje.
Kujtojmë se Valdete Daka e udhëheq Komisionin Qendror të Zgjedhjeve që nga qershori i vitit 2010./Opinion.al
