Gjatë vizitës dyditore në Prishtinë dhe Beograd, të dërguarit e SHBA-së dhe BE-së, Gabriel Escobar dhe Mirosllav Lajçak, kanë nisur takimin me presidenten e Kosovës, Vjosa Osmanin.
Ata pritet që gjatë ditës të takohen edhe me përfaqësues të partive në Kosovë, përshirë Listën Serbe.
Një ditë më parë, i dërguari i posaçëm i BE-së për dialogun Kosovë-Serbi, Lajçak, ka ripërsëritur kërkesat që i ka bërë mbrëmë kryeministrit Albin Kurti, përmes një postimi në Twitter.
Lajçak ka bërë thirrje për qetësim të situatës në veri të Kosovës, zgjedhje të parakohshme me pjesëmarrjen e serbëve të Kosovës dhe kthim në dialog.
“Jemi thellësisht të shqetësuar për situatën në veri dhe bëjmë thirrje për qetësim të situatës në veri të Kosovës, zgjedhje të parakohshme me pjesëmarrjen e serbëve të Kosovës dhe kthim në dialog”.
Më vonë gjatë ditës, Escobar dhe Lajçak do të udhëtojnë drejt Beogradit, ku, sipas njoftimeve, në orën 18:30 do të takohen me presidentin e Serbisë, Aleksandër Vuçiç./Opinion.al
🇺🇸 DAS Escobar and I met with PM @albinkurti and first DPM @BislimiBesnik. We are deeply concerned about the situation in the north and call for immediate de-escalation on the ground, early elections with the participation of Kosovo Serbs and return to Dialogue on normalisation. pic.twitter.com/Ouc2eQHXDn
— Miroslav Lajčák (@MiroslavLajcak) June 6, 2023
