Kryetarja e Kuvendit të Kosovës, Vjosa Osmani është ndarë përfundimisht me Lidhjen Demokratike të Kosovës.
Ajo mori sot pjesë në një aktivitet në fund të të cilit u tha gazetarëve se me LDK ka përfunduar gjithçka.
“Natyrisht që po, përgjigja konkrete e saj është vendimi i tyre i 20 qershorit për t’më përjashtuar. Aty ka përfunduar gjithçka”, tha Osmani.
Sa i përket një bashkëpunimi të mundshëm me Albin Kurtin, Vjosa Osmani tha se ky bashkëpunim do të konkretizohet më vonë.
“Ne jemi në kontakt dhe bisedojmë për tema të ndryshme të bashkëpunimit se si do të konkretizohet ky bashkëpunim në të ardhmen do t’iu njoftojnë në momentin që do të konkretizohet”.
Disa muaj më parë Vjosa Osmani është shkarkuar nga detyra e saj si nënkryetare e LDK- së dhe anëtare e Këshillit të Përgjithshëm, pasi siç u tha nga kryesia e partisë nuk kishin qëndrime të njëjta./ Opinion.al
