Kuvendi i Kosovës do të drejtohet për herë të parë nga një grua. Vjosa Osmani mori dje detyrën e re dhe kandidatura e saj u mbështet nga 65 deputetë në Kuvend.
“Në kohët që po na presin, synimi im është që mos të jemi vetëm një Kuvend që vulos, por edhe një Kuvendë të mbikëqyrë, mirë dhe rreptë, qeverinë e republikës së Kosovës. Të jemi shembulli më i mirë i politikbërjes”, deklaroi Osmani në Kuvend pasi u zgjodh në krye të legjislativit.
Emërimi i një gruaje në krye të parlamentit, u përshëndet nga përfaqësues të institucioneve dhe organizata ndërkombëtare në Kosovë. Ambasadori i Shteteve të Bashkuara në Prishtinë, Philip Kosnett vizitoi sot Osmanin në zyrën e saj të re.
Ajo që u vu re nga takimi mes tyre ishte se kryetarja e re e Kuvendit ka vendosur portretin e ish-presidentit Ibrahim Rugova në mur duke zëvendësuar kështu atë të presidentit aktual Hashim Thaçi. /Opinion.al
