Është shoqëruar me debate të forta seanca e sotme plenare në Kuvendin e Shqipërisë.
Janë përfshirë në debat ministrja e ekonomisë Delina Ibrahimaj, deputetja e PD, Jorida Tabaku dhe deputeti demokrat Gazment Bardhi.
Debati erdhi pasi Tabaku krtitikoi politikat e qeverisë, ndërsa tha se shqiptarët nuk jetojnë vetëm tre muaj në kohë zgjedhjesh.
Sakaq pas reagimit të ministres ka reaguar deputeti Gazment Bardhi, i cili i ka kërkuar Ibrahimajt të tregojë se e kujt është shtëpia ku jeton.
Ndërkohë që deputetja e PD Jorida Tabaku iu kthye ashpër Ibrahimajt duke i thënë se t’i vijë turp që e quan opozitën si ‘opozita e vulës’.
Debati në Kuvend
Bardhi: Trego kush të ka dhënë shtëpinë ty, e kujt është shtëpia që jeton ti? Trego.
Tabaku: Të të vijë trup që më thua mua opozita e vulës, ti që vjen nga rruga dhe u bëre ministre, të të vijë turp.
Bardhi: Shërbëtore.
Tabaku: Po ta them dhe një herë, askush nuk ka paaftësinë tënde dhe askush nuk e ka korrupsionin tënd.
