Pas largimit të papritur të Nico Rosberg nga bota e Formula 1, në skuadrën kampion bote mbeti një vend i lirë. Kushdo do të donte të ishte zëvendësuesi i gjermanit tek Mercedes, por jo të gjithë plotësojnë kushtet.
Një prej emrave më të përfolur ditët e fundit është pikërisht ai i spanjollit Fernando Alonso. Zyrtarët e Mercedes kanë konfirmuar se emri i tij është një prej atyre që po shqyrtohen.
Alonso ka pasur një partneritet të mirë me Lewis Hamiltonin te McLareni në vitin 2007 dhe tani ata mund të bëhen sërish pjesë e të njëjtës skuadër, edhe pse aktualisht nuk i kanë raportet si dikur.
“Gjithmonë duhet ta keni në plan Fernandon. Ai është një pilot që e respektoj shumë. Ai e kombinon talentin me shpejtësinë dhe përvojën. I ka të gjitha”, është shprehur trajneri ekipor i McLarenit, Toto Wolff.
Sidoqoftë, çmimi i prishjes së kontratës së Alonsos dhe raportet e tij jo aq të mira me Hamilton, mund të jenë pengesë për jetësimin e këtij transferimi.
Ndryshe, 31-vjeçari Rosberg u pensionua nga Formula 1 vetëm pesë ditë pasi u shpall kampion bote.
