Në vendin tonë paraditja mbetet me vranësira dhe reshje të pakta shiu e dëbore në pjesën më të madhe të vendit. Pasditja sjell shtim të reshjeve në vend, duke bërë që shira mesatarë të bien në zonat perëndimore, ndërsa reshjet e dëborës deri në mbrëmje, të përfshijnë të gjitha zonat malore.
Gjatë natës, vendi mbetet me reshje shiu në Perëndim- Jugperëndim, por pjesa më e madhe e Shqipërisë kalon në kushtet e ngricave dhe dëborës. Sipas MeteoAlb, temperaturat e ajrit sjellin një rënie të theksuar në të dy ekstremumet termike ditore vlerat e të cilave variojnë nga –4°C në 13°C.
Era do të fryjë kryesisht mesatare, me shpejtësi 45 km/h nga drejtimi Lindor ndërsa në det do të vijojë dallgëzimi 2 – 3 ballë.
