Policia e Lushnjes ka arrestuar tre persona, të dyshuar në lidhje me vjedhjen me dhunë në një lokal.
Arjan Tabaku, 49 vjeç, banues në lagjen “Çlirimi”, Lushnje dhe Andrea (Gazmend) Tabaku, 45 vjeç, banues në Lushnje, në bashkëpunim me njëri tjetrin, kanë tentuar të vjedhin me dhunë në lokalin e shtetasin E.S në lagjen “Loni Dhamo”.
Ndërsa shtetasi i tretë Ilir Robo u ndalua për veprën penale “Moskallzim i krimit” dhe “Veprime që pengojnë zbulimin e së vërtetes”.
Materialet do i kalojnë Prokurorisë Lushnje për veprat penale të “Vjedhjes me dhunë” e kryer në bashkëpunim e mbetur në tentativë, “Moskallzim krimi” dhe “Veprime që pengojnë zbulimin e së vertetës”.
