Dy persona janë arrestuar dhe tre të tjerë janë proceduar penalisht për vepra të ndryshme penale. Policia njofton se është vënë në pranga 19-vjeçari me inicialet A. K., si dhe është proceduar penalisht shtetasi E. C. dhe Sh. M., 16 vjeç.
Të rinjtë dyshohet se në bashkëpunim me njëri-tjetrin, kanë vjedhur 23 matës uji. Në vijim u procedua penalisht edhe shtetasja M. K., 39 vjeçe, pronare në një pikë grumbullimi të hekurave ku u gjendën sendet e vjedhura.
Po ashtu, Policia e Durrësit, ka arrestuar 27-vjeçarin, E.SH, të shpallur në kërkim. Ai akuzohet se ka vjedhur disa sende shtëpiake në banesën e shtetasit P. D.
Ndërsa, është arrestuar R. R., 25 vjeç, banues në Durrës, pasi, në lagjen nr. 11, Durrës, duke drejtuar mjetin tip “Audi”, ka aksidentuar biçiklistin me iniciale N. K., 67 vjeç, banues në Durrës, i cili ndodhet në spital, nën kujdesin e mjekëve, jashtë rrezikut për jetën.
Materialet i kaluan Prokurorisë së Rrethit Gjyqësor Durrës, për veprime të mëtejshme./ Opinion.al
