Përmes një njoftimi zyrtar Policia e Shtetit ka bërë me dije se posdeon informacione sipas të cilave në mënyrë të kundraligjshme është duke qarkulluar një pajisje, e cila ndihmon në fotografimin e votës nga qytetarët si provë për subjektet që kanë paguar blerjen e saj. kanë votuar për partinë i ka blerë.
Policia ka publikuar edhe foto të këtyre aparateve.
Njoftimi i policisë
“Policia e Shtetit thekson se do të jetë shumë e ashpër për ndëshkimin e çdo krimi elektoral dhe ka marrë të gjitha masat për t’ju përgjigjur në kohë çdo eventualiteti. Nën mbikëqyrje po mbahen elementë me tendencë blerjen e votës, në procesin e 25 Qershorit.
Nga ana tjetër, Policia e Shtetit paralajmëron çdo qytetar që ka rënë pre e tentativës për shit-blerjen e votës të heqë dorë në kohë nga ky aktivitet kriminal, pasi do të përballet me forcën e ligjit.
Policia e Shtetit mbetet e vendosur për të garantuar, në bashkëpunim të ngushtë me Prokurorinë dhe organet e tjera ligjzbatuese, një proces zgjedhor të qetë dhe të drejtë.
Siç ka dëshmuar edhe ditët e fundit në goditjen e tentativave për shit-blerjen e votës, Policia do të intensifikojë luftën kundër këtij fenomeni për të mos deformuar vullnetin e lirë të qytetarëve”.
