Ish-kryeministri, Sali Berisha kishte paralajmëruar një protestë që do të zhvillohet të hënën në kryeqytet.
Ai tha se e kishte thirrur këtë protestë kundër vjedhjes së inceneratorëve dhe ardhjes së presidentit serb Aleksandër Vuçiç në Tiranë.
Përmes një postimi në “Facebook” ai bëri me dije se protesta nesër do të nisë në orën 16:00 dhe ashtu siç ai deklaroi publikisht mbledhja do të bëhet në selinë blu, për të marshuar më pas drejt Kryeministrisë.
Kujtojmë se për aferën e inceneratorëve është arrestuar ish-ministri i mjedisit Lefter Koka dhe janë shpallur në kërkim dy persona.
Ndërsa ardhja e presidentit serb Vuçiç ishte e parashikuar pasi në Tiranë do të zhvillohet takimi i radhës mes lidërve të Ballkanit Perëndimor në kuadër të projektit “Open Balkan”, nismë për të cilën Berisha është shprehur gjithmonë kundër./Opinion.al
