Një 17 vjeçar ka vjedhur xhiron ditore të një farmacie në Tiranë, nën kërcënimin e një thike. Adoleshenti R. N. Është arrestuar nga policia e kryeqytetit vetëm pak minuta pas ngjarjes së ndodhur brenda një qendre tregtare.
“Brenda një qendre tregtare, shtetasi R.N i ka vjedhur nën kërcënimin e një thike xhiron ditore të farmacisë, shtetases A. R., rreth 27 vjeçe (me detyrë punonjëse farmacie). Menjëherë pasi ky shtetas është larguar nga vendi i ngjarjes me sasinë e vjedhur të lekëve është njoftuar policia dhe falë reagimit të shpejt dhe në kohë rekord të shërbimeve të policisë është bërë kapja e këtij shtetasi rreth 50 metra larg vendit të ngjarjes”, sqaron policia.
Materialet do t’i referohen Prokurorisë të Rrethit Gjyqësor Tiranë në ngarkim të shtetasit R. N., për veprën penale “Vjedhje me dhunë”.
