Zëvendëspresidenti i Shteteve të Bashkuara të Amerikës, mbërriti mbrëmë në Kosovë, pas vizitës në Serbi. Ai ka takuar sot kokë më kokë kryeministrin Isa Mustafa, ndërsa tani po zhvillon një takim edhe me me presidentin Hashim Thaçi, takim ky që do të pasohet nga një konference për mediat e parashikuar për në orën 11:00.
Qëndrimi në Kosovë dhe në Serbi i nënpresidentit amerikan vjen në një periudhë tensionesh, për shkak të problemeve të brendshme me të cilat të dyja vendet janë përballur dhe pas zgjedhjeve të përgjithshme në Serbi.
Normalizimi i marrëdhënieve ndërmjet dy vendeve vlerësohet si çështja më e rëndësishme që do të ndihmojë edhe stabilitetin përgjithësisht në rajon dhe do të ruajë perspektivën evropiane për Ballkanin Perëndimor.
