Pasi deputeti Spartak Braho e cilësoi si mashtrues gazetarin Artan Hoxha për deklaratat se ai ka takuar në burg Kastriot Ismailajn dhe Dritan Dajtin, ka ardhur edhe reagimi i gazetarit.
Hoxha tha se ky ka qenë një keqkuptim i gazetares që ka bërë intervistën, pasi ai në studion “Opinion” të “News24” nuk e ka përmendur emrin e Brahos.
Hoxha tha se ai ka përmendur vetëm që personi që ka zhvilluar vizitën ka qenë deputet.
Gjithashtu, Hoxha deklaroi se Braho e pranoi vetë që ka qenë ai deputeti që ka shkuar në burg për të takuar Iljaz Labin, ishzyrtarin e burgjeve të arrestuar për korrupsion.
Në lidhje me paralajmërimin e Brahos se çanta e tij e zezë kishte gjashtë ndarje dhe se pas kësaj njëra prej tyre do të ishte për Hoxhën, ky i fundit ka thënë se nuk e trembte kjo gjë pasi është me origjinë malore nga e njëjta krahinë si Braho
