Kryeministri Edi Rama ka vlerësuar vizitën e presidentit francez Emmanuel Macron në Shqipëri duke e cilësuar atë si historike.
Në një postim në rrjetet sociale, Rama shkroi se kjo vizitë zyrtare është e para në 101 vite marrëdhënie diplomatike mes vendeve, dhe sipas tij kjo “i hapi rrugën një sërë projektesh të reja me rëndësi për zhvillimin ekonomik, arsimor e kulturor për Shqipërinë.”
Kryeministri shkruan gjithashtu se ky takim në Tiranë do të kontribuojë edhe në një “bashkëpunimi të afërt politik, për afrimin e Ballkanit Perëndimor me Bashkimin Europian.”
“MIRËMËNGJES
dhe me këtë kronikë të vizitës historike të Presidentit të Francës në Shqipëri, e para në 101 vjet marrëdhënie diplomatike mes të dy vendeve, e cila i hapi rrugën një sërë projektesh të reja me rëndësi për zhvillimin ekonomik, arsimor e kulturor për Shqipërinë, si edhe një bashkëpunimi të afërt politik, për afrimin e Ballkanit Perëndimor me Bashkimin Europian, ju uroj një ditë të mbarë”, shkruan kryeministri Rama./Opinion.al
