Pasditen e sotme Partia Socialiste do të mbledhë Kongresin e jashtëzakonshëm. Pritet që PS në këtë mbledhje të paraqes vizionin e saj për Shqipërinë 2030 dhe angazhimet kryesore të programit qeverisës.
Kongresi do të mblidhet në orën 17:30 në stadiumin “Air Albania”, në zbatim të masave kundër koronavirusit. Në kongres pritet gjithashtu dhe analizimi i zgjedhjeve të 25 prillit, si dhe për përzgjedhjen e strukturave të reja vendore të PS.
Kongresi përkon edhe me 30-vjetorin e themelimit të Partisë Socialiste.
Në vendimin për thirrjen e Kongresit të jashtëzakonshëm të partisë gjatë Asamblesë së PS u miratuar dhe rendi i ditës.
- Hapja e Kongresit (Himni Kombëtar);
- Rrugëtimi i Partisë Socialiste prej 12 Qershorit 1991;
3. Vizioni për Shqipërinë 2030 dhe Programi Qeverisës në Mandatin e Ri.
4. Miratimi i Vendimeve të Asamblesë Kombëtare të Partisë:
a. Vendim “Për ngritjen dhe funksionimin e Komisionit të Posaçëm të Analizës për Zgjedhjet e Përgjithshme të 25 Prill 2021”;
b. Vendim “Për zhvillimin e analizave për rezultatin e zgjedhjeve të përgjithshme të 25 Prillit 2021”;
c. Vendim “Për zgjedhjet e reja në strukturat vendore të partisë”;
d. Vendim “Për zhvillimin e fushatës së anëtarësimeve të reja në parti”;
e. Vendim “Për përfundimin e procesit të ngritjes dhe funksionimit të Regjistrit Digjital të Partisë”;
f. Vendim “Për miratimin e Kalendarit Politiko-Organizativ të Partisë për periudhën Qershor-Dhjetor 2021”.
