TIRANË- Ambasada e Mbretërisë së Bashkuar në Tiranë njofton se janë kryer disa ndryshime në shërbimet për viza. Ka ndryshuar edhe adresa ku do të paraqiten aplikantët. Për viza tani aplikohet pranë Qendra Tregtare Europiane (ETC) kati i 12. (pas piramidës).
Për përdorimin e Qendrës së Aplikimit për Vizë në Tiranë do të ketë një pagesë prej 59.00 pound. Kjo është një pagesë shtesë përveç tarifës së Vizës dhe do të jetë e pagueshme në Euro sipas kursit të Kembimit Valutor Konsullor. Kjo pagesë mbulon shpenzimet e ofruara nga shërbimi i ri i aplikimit.
Aplikantët duhet të regjistrohen në faqen e internetit të Teleperformancës pasi të kenë prenotuar një takim, dhe të kene paguar tarifën e caktuar që lidhet me takimin, si edhe çdo shërbim tjetër shtesë që kërkohet. Një regjistrim paraprak me Teleperformancën do të mundësojë gjithashtu një proçedim të shpejtë të aplikimit tuaj.
Shërbimet shtesë të vlefshme në Tiranë janë si më poshtë. Pagesa e tyre behet ne Euro sipas kursit konsullor:
Shërbimi Premium Lounge – 90 Pound – Ky shërbim përfshin akses të menjëhershëm në sportelin premium të Teleperformance, ku një agjent do verifikojë dokumentat e paraqitura, si dhe do marrë të gjithë informacionin tuaj biometrik në një vend të vetëm. Do ju ofrohen pije të ngrohta dhe të ftohta dhe do të keni një asistent personal gjatë zhvillimit të procesit. Do keni mundësi edhe për fotokopje falas (sasi e kufizuar), printime nga adresa e emailit si dhe akeses në kompjuter.
Shërbimi Viza Prioritare – 100 Pound – ju mundëson që aplikimi juaj për vizë të vendoset i pari në radhë nga Zyra e Vizës dhe Emigracionit të Mbretërisë së Bashkuar, duke përfituar një vendim brenda 3-5 ditë pune.
Shërbimi i kthimit me postë – 8.00 Pound – ju mundëson të merrni vendimin me anë të një korrieri në adresën e përcaktuar nga ju, në vend që të ktheheni për ta marrë në Qendrën e Aplikimit për Vizë.
