Në 24 janar, kompania kineze Vivo do të lançojë celularin e parë me sensor të shenjavë të gishtërinjve nën ekran.
Kjo teknologji u përfol muaj më parë se do të ishtë një nga tiparet më dalluese të iPhone X, por Apple shkoi me alternativën e njohjes së fytyrës. Nga ana tjetër, Samsung e cila u përfol gjithashtu se do të punonte me skanerin nën ekran, lajmëroi se telefonat e rinj do të kenë një skaner të shenjave të gishtërinjve në pjesën e pasme të telefonit.
Ndërkohë Vivo lançon aparatin e ri celular pikërisht me këtë tipar të mërkurën. Ky aparat do të jetë një variant i Vivo X20 Plus, i cili doli në treg në shtator të 2017.
Celulari i ri do të jetë 16 cm i gjatë, me një ekran OLED 2160 x 1080 pixel. Do të ketë dy kamera: 12 dhe 5 megapixel, 4Gb RAM dhe 128 GB hapsirë. Në Kinë do të lançohet me çmimin $624.
Nuk dihet ende nëse ky celular do të jetë në shitje në perëndim por konsiderohet një lançim i rëndësishëm.
