Në nisjen e vitit të ri akademik për e ciklin e studimeve Bachelor, kryeministri Rama zgjodhi të uronte studentët nga fakulteti i Mjekësisë.
Gjatë fjalë së tij Rama u premtoi studentëve se së shpejti do të hapet spitali i ri modern i Kirurgjisë në QSUT i cili do ti shërbejë me një tjetër standard jo vetëm pacientëve por edhe studentëve në praktikat e tyre. Ai preku edhe pjesën e dialogut mes qeverisë dhe studentëve duke i ftuar këta të fundit që komunikimi të mbetet i hapur.
“Ne zgjodhëm këtë Universitet për fillimin e një viti të ri akademik sepse ky është universiteti ku nga njëra anë hyjnë studentët më të mirë dhe nis një rrugëtim për t’iu bërë pjesë e frontit më të vështirë sepse nuk bëhet fjalë thjesht për të marrë një profesion por shumë më tepër se kap sepse siç e thoshte hipokrati të dashurosh mjekësinë do të thotë të dashurosh njerëzimin. Nga mjeku kërkohet të bëjë mrekullira dhe kur ato nuk janë të mundshme ato i kthehen mjekut në stres dhe kosto morale dhe për më tepër në vendin tonë ku është e vështirë vendosja e një raporti të shëndetshëm me mjekun. Baza e patundur e vlerave të këtij universiteti e cila është eksperienca e viteve themi me bindje se Universitetit është në një gjendje më të mirë se dje. Së shpejti celet spaitali i ri modern i Kirurgjisë i cili do të vendosë një standard të ri. Është shumë e rëndësishme që komunikimi mes nesh të vazhdojë. Ju uroj shumë shëndet dhe suksese”, tha Rama.
Kryeministri shtoi gjithashtu se studentët më të mirë do të kenë gjithmonë mbështetje dhe do ta kenë rrugën e hapur drejt mundësive
“Kemi hapur rrugë të re për të gjithë ata që janë më të mirët dhe që synojnë të kontribuojnë në institucionet e shëndetësisë apo praktikën spitalore. Kemi shumë studentë ekselentë të përfshirë në punë vetëm falë rezultateve të tyre. Kush del me rezultatet më të mira nga ky universitet, do ta ketë derën e hapur pa qenë i detyruar për të kërkuar rrugë të vjetra dhe alternative”, u shpreh kreu i qeverisë. /Opinion.al
