Fakulteti i Histori-Filologjisë në Universitetin e Tiranës përmes një njoftimi zyrtarë, u ka bërë thirrje që të gjithë studentët që kanë të drejtën e marrjes së bursës, se duhen të paraqiten pranë degëve të Financës së fakulteteve ku studiojnë.
Sipas këtij njoftimi, studentët duhen të dorëzojnë dokumentacionin në bazë të kategorisë që ai ka përfituar bursën.
“Studentët kanë të drejtë të marrin bursë sipas dy VKM-ve: VKM nr.903, datë 21.12.2016 ‘Për përcaktimin e kritereve për përfitimin e bursave nga fondi i mbështetjes studentore për studentët e shkëlqyer, studentët që studiojnë në programe studimi në fushat prioritare dhe studentët në nevojë’ (i ndryshuar), VKM nr. 784, datë 26.12.2018 ‘Për përcaktimin e kritereve për përfitimin e bursave nga fondi i mbështetjes studentore për studentët e shkëlqyer, studentët që studiojnë në programe studimi në fushat prioritare dhe studentët në nevojë”; VKM nr.39, datë 23.01.2019 2018 “Për disa ndryshime në VKM nr.903, datë 21.12.2016”. Për përcaktimin e kritereve për përfitimin e bursave nga fondi i mbështetjes studentore për studentët e shkëlqyer, studentët që studiojnë në programe studimi në fushat prioritare dhe studentët në nevojë’”, – thekson FHF.
Po ashtu, studentët që ndjekin studimet në nivelin e parë të studimeve bachelor do të përfitojnë përgjysmim tarifash.
Ndërsa, studentët e ciklit të parë (bachelor), të cilët u përkasin kategorive përjashtimore dhe janë me mesatare 9-10, sipas VKM nr. 779, datë 26.12.2018. Përsa i përketë studentëve të ciklit të dytë të studimeve (master profesional dhe master shkencor) që u përkasin kategorive sociale në nevojë dhe janë me mesatare 9-10, të cilët përfitojnë 50% ulje të tarifës së shkollimit do të paguajnë 30,000 lekë për studentët e masterit profesional dhe 37,500 lekë për studentët e masterit shkencor.
Një tjetër proces i rëndësishëm për të përfituara nga kategoritë të përgjysmimit apo të përjashtimit nga taksa, është dhe pajisja e studentit me faturën e arkëtimit, e cila pasi nënshkruhet nga institucioni një kopje i dorëzohet studentit nga punonjësja e informacionit për të kryer veprimet në bankën që do të duhet të bëhet pagesa./ Opinion.al E.XH.
