Viti i Ri 2018, ka mbërritur në Shqipëri. Pavarësisht se temperaturat janë regjistruar të ulëta, kjo gjë nuk i ka penguar qytetarët e Tiranës t’i bashkohen festës së ndërrimit të viteve në Sheshin ‘Skënderbej’, për të uruar të gjithë së bashku: ‘Gëzuar 2018’.
Ashtu si çdo vit tjetër, edhe këtë mbrëmje shumë persona janë bashkuar me tingujt e muzikës, si dhe me atmosferën shumëngjyrëshe të krijuar nga fishekzjarrët.
Ata kanë zgjedhur që sekondat e fundit të 2017 t’i kalojnë jashtë shtëpive të tyre, duke i dhënë mirëseardhjen Vitit të Ri 2018.
Me një atmosferë shumëngjyrëshe është shoqëruar pritja e Vitit të Ri edhe në sheshet e shumë qyteteve të tjera të vendit, si dhe në shumë vende të tjera në botë.
Në këtë atmosferë festive stafi i emisionit ‘Opinion’ dhe ‘Opinion.al’ i janë bashkuar urimit: ‘Gëzuar 2018! Qoftë një vit i mbarë për të gjithë ju!’
