Sfilata e Naomi Campbell në pasarelën e shtëpisë së modës “Valentino” bëri bujë jo vetëm sepse ishte një rikthim triumfues i supermodeles për markën e njohur pas 14 vitesh por dhe sepse modelja u shfaq tërësisht me gjoksin zbuluar.
Naomi Campbell sfiloi me një fustan tyl të gjatë të zi, krejtësisht transparent. Në këtë mënyrë gjoksi i 48-vjeçares ekspozohej tërësisht dhe modelja e përjetshme na tregoi dhe njëherë se për të nuk ekziston plakja dhe vitet janë thjesht numra. Sipas “People” Naomi Campbell u emocionua dhe qau pas mbylljes së sfilatës.
“Urime për një moment historik, të bërë në një mënyrë kaq elegante, nuk duhej thënë asnjë fjalë. E bekuar që jam pjesë e një momenti të tillë të pabesueshëm dhe magjepsës”, shkroi Naomi në mbishkrimin e fotografisë së postuar prej saj në Instagram.
