Ministria e Shëndetësisë ka urdhëruar një tjetër shtyrje të nisjes së procesit mësimor në të gjithë shkollat e vendit, në kuadër të masave për ndalimin e përhapjes së virusit të gripit. Shkollat do të qëndrojnë të mbyllura deri më 16 janar. E njëjta gjë vlen edhe për çerdhet e kopshtet.
Përhapja e menjëhershme e virusit të gripit bëri që Ministria e Shëndetësisë të mbyllte çerdhet, kopshtet dhe shkollat edhe në datat 4, 5, 6 dhe 7 janar. Gjithashtu, qeveria mori vendimin për të lënë pushim në datat 4-5-6 janar një prej prindërve që punojnë në administratë e që kanë fëmijë të mitur.
Instituti i Shëndetit publik raporton për një fluks në rritje të personave të prekur nga virusi i gripit AH3N2.
Javën e fundit përfshirë dhe ditët e para të viti 2017 përllogariten rreth 19 mijë të prekur, por sërish e konsiderojnë një situatë normale gripi. Në poliklinikat e Tiranës numri i vizitave mjekësore të vegjël dhe rritur arin rreth 100 në ditë. Madje është rritur dhe interesi i pacintëve për të bërë vaksinën antigrip, e cila këtë vit ofrohet falas në qendrat shëndetësore.
